Leita í fréttum mbl.is

Úrbeinaður fylltur kjúklingur ( í kvöld )

Já þessa uppskrift fengum við senda alla leið frá Svíþjóð frá lesanda sem sagði mér að þetta væri það besta sem hann hafði smakkað og verður gaman að sjá í kvöld hvort að maður sé samála því.

Kjúlli er venjulega auðveldur í matreiðslu og mér sýnist að þessi sé það en gaman verður að taka tíman á þessu.

Endilega ef þið prufið þetta látið okkur vita með því að senda okkur tölvupóst á gagnrynandinn@yahoo.com

 

1 kjúklingur

 

Fars

150 gr hakkað svínakjöt

30 gr skorpulaust Fransbrauð skorið í teninga

1 egg

½ dl rjómi

½ tsk saxað rósmarín

½ tsk söxuð salvía

Hrærið vel saman Fransbrauði, kryddi, eggjum og rjóma í matvinnsluvél. Blandið svínahakkinu saman við og látið standa í kæli í 1 kls.

Fylling

50 gr kjúklingalifur

25 gr smjör

1 msk koníak

½ msk pistasíur

25 gr bananar

25 gr mangó

salt og pipar

 

Lifrin skorin í 1 cm bita og steikt í smjöri á pönnu og látin kólna í koníakinu. Þegar lifrin er orðin köld er ávöxtum og kryddi blandað saman við og að lokum öllu hrært saman við farsið.

Kjúklingurinn úrbeinaður frá bringu og öll bein hreinsuð úr honum. Kjúklingurinn flattur út á bretti og fyllingunni jafnað á hann, öllu rúllað upp, kjúklingurinn saumaður saman, penslaður með smjöri. Hann steiktur í ofni við 150°C þar til kjarnhiti er 75°C í miðju. Kjúklingurinn látinn jafna sig í ca 30 mín áður en hann er skorinn niður. Borinn fram með soðsósu með viðeigandi kryddi.


Lambaframpartur og Úrbeining á framparti ( kennsla )

Hér koma nokrar handhægra upplýsingar um Lambaframpart og Úrbeiningu.

Lambaframpartur

 

Lambaframpartur og aðrir hlutar lambsins er það kjötmeti sem landsmenn hafa þekkt best á undanförnum öldum og hefur verið svo þar til á síðastu áratugum 20 aldar.  Fyrr á öldum voru geymsluaðferðir aðrar heldur en nú tíðkast, um nýtt lambakjöt var ekki um að ræða nema í sláturtíð og ef um slátrun var að ræða á öðrum tímum einhverra hluta vegna.  Þær geymsluaðferðir sem mest voru notaðar voru söltun-, reyking og súrsun, og fór sú vinnsla fram í sláturtíð.  Þessar geymsluaðferðir eru þá ekki aflagðar með öllu, en í dag frekar notaðar til að ná fram ákveðnu bragði og er neyslan frekar bundin við ákveðna árstíma.

Kjötið af framparti er mýkra, safaríkara og styttra í því en kjöt af læri.  Frampartur af lambakjöti er hentugur í matargerð af ýmsum ástæðum.  Sennilega er súpukjöt í kjötsúpu einna þekktast allavega fyrr á árum.  Sagt hefur verið að kjötsúpan hafi haldið lífinu í þjóðinni á undan gengnum öldum, þegar sultur og kuldi sótti að.

Um það hvernig kjötsúpa er löguð er ekki til nein ákveðin aðferð önnur en að sjóða kjötið í súpunni, hvað sett er af grænmeti í súpuna eru ekki sömu efni notuð t.d. eftir landshlutum, og jafnvel ættum.  Oft á tíðum er kjötsúpa kölluð Eyvindur. 

Frampartur í smásteik er einnig mjög vinsæll réttur og til margar aðferðir við eldamennskuna eins og t.d. í ofnskúffu, á pönnu, á grill eða í pott.  Eins og nafnið bendir til er kjötið skorið smærra en t.d. í súpu.  Ef notuð er ofnskúffa eða pottur er gott að nota soðið í brúna sósu (má bæta við smá vatni í skúffuna).  Einnig er hægt að steikja frampart í heilu, (það er ½ frampartur) má þá ef til vill taka bringuna af og snyrta á annan hátt. 

Þegar úrbeinaðu frampartur er matreiddur er gott að krydda hann eða fylla með ávöxtum, einnig má setja bacone sem búið er að skera í smátt og létt steikja með, eða hvað annað sem hugurinn girnist.

Úrbeinaður frampartur, soðinn eða steiktur í sneiðum eða heilum rúllum hentar mjög vel mötuneytum því bæði nýtist allt kjötið og er miklu snyrtilegra í framreiðslu.

 

 

 

Úrbeining á framparti

 

 

Það er ekki vandasamt að úrbeina frampart, ef þið hafið beittan, oddmjóan og stuttan hníf.

Skerið niður með rifbeinunum og fjarlægið þau ásamt hryggjarbeinunum.

Snúið innihliðinni upp og skerið niður með herðablaðinu báðum megin og fjarlægið það. 

Snúið stykkinu við, skerið niður með skankanum, fjarlægið hann ásamt beininu, sem liggur milli hans og herðablaðsins.  Skerið frá fitu.

Kirtlar og sinar liggja upp með hásinum.  Fjarlægið þær.


Steikt rauðsprettuflök með rækjum og camerbert

 Já eins og stendur þá gefum við upp uppskriftir hér líka og eins og alla mánudaga þá er fiskur í matinn hjá mér og verður rauðspretta í kvöld og er þetta tilvalin réttur og er mér sagt að hann sé svakalega góður enda fékk ég uppskriftina frá lésanda sem býr á Akureyri og hann sagði mér að prufa þessa og ætla ég líka að deila henni með ykkur og er gott að fara í fiskikonginn og versla þar á frábæru verði.

Verði ykkur að góðu.

 

 

8 stk rauðsprettuflök

1 stk camerbertostur

2 dl fisksoð

2-3 dl rjómi

100 gr rækjur

salt og pipar

grænmetiskrydd

sítrónusafi

 

Steikið flökin á pönnu annaðhvort upp úr hveiti eða hveiti og eggi. Skerið camerbertostinn í sneiðar, leggið flökin saman tvö og tvö og setjið eina sneið af camerbertosti á milli, setjið flökin á fat. Hellið rjómanum og fiskisoðinu á pönnuna sem fiskurinn var steiktur á og hitið ásamt restinni af camerbertostinum, kryddið með salti, pipar, grænmetiskryddi og sítrónusafa. Hitið rækjurnar í sósunni og hellið henni yfir fiskinn. Berið fram með soðnum hrísgrjónum eða kartöflum og salati.


Hrísgrjóna lasagna

Ég prufaði í kvöld nokkuð góðan rétt sem ég fékk frá frænku minni og verð ég að segja að hann var frábær og langar mér að gefa ykkur þessa uppskrift til að njóta.

 

1 bolli long grain hrísgrjón ( ós)

2 meðalstórar kjúklingabringur(án skinns, steiktar)

1 bolli laukur saxaður

1 bolli rauður og grænn bell pipar saxaður

1 bolli sveppir saxaðir

2 hvítlauksrif kramin

6 matsk tómatsósa

1 lítil dós tómatkraftur

2 tesk oreganó

2 tesk basil

1 ½ tesk svartur pipar

1 tesk salt

1 lítil dós kotasæla

½ bolli veggie slices

½ bolli fat free mozarella

 

Sjóddu hrísgrjónin eins og stendur á pakkanum. Hitaðu ofninn í 170°. Settu saxaðan kjúklinginn, laukinn, piparinn, sveppina og hvítlaukinn í pott á meðalhita og leyfðu því að mýkjast. Settu tómatsósuna, kraftinn, basil, oreganó, saltið og svarta piparinn saman og hrærðu vel. Settu helminginn af hrísgrjónunum í botninn á eldföstu móti og síðan helminginn af kjúklingahrærunni. Þar næst kemur helmingur af kotasælunni og ostunum. Endurtaktu. Stráðu ferskri steinselju yfir og bakaðu í ofni í 15 - 20 mínútur.

 

Verði ykkur að góðu!


Hamborgarabúlla Tomassar 4 stjörnur

Já þá er komið að fyrstu gagnrýninni hjá okkur en það er skyndibitastaður sem heitir ( Hamborgarabúlla Tómassar ).

En Tommi er guðfaðir skyndibitans á íslandi en hann stofnaði hinn frábæra (Tommaborgara) á sínum tíma og spurningin er hvort að staðurinn sé eins góður og í gamladaga eða hvað.

Þegar maður kemur inn á staðinn þá er eins og maður fari aftur í tíman eða inn á Hardrock minni en þetta heillaði mig ég pantaði mér beikonborgara og gos og fékk mér sæti í skemmtilegum sætum.

Ég tek það fram að ég varð að fara á alla staðina til að geta gefið rétta mynd af staðnum en það sem pirraði mig í hafnarfyrði er það að veggur sem greinilegt er settur upp fyrir krakka til að setja myndir og var gaman að skoða en þar hafa einhverjir sem eru að bjóða nudd (XXX) eða bögga vini sína sett upp númer og finnst mér það ekki hæfa á stað sem er fjölskyldustaður.

 En aftur að borgaranum sem kom nú eftir 5 mín eða svo þá var hann vel útílátin með frönskum og virkilega góðu.

Þjónustan var frábær á öllum stöðum og þrifalegt var á salernum og greinilegt er að metnaður er mikil að vera með allt á hreinu.

Gagnrýnandinn mælir með búllunni og gefur 4 stjörnur og vonar að aðrir hamborgarastaðir taki búlluna til fyrirmyndar.


Matargagnrýni á Veitingar og Skindibitastöðum

Góðan dag í dag langar mér að ræða við ykkur um veitinga og skyndibitastaði sem nóg er að hér á íslandi og hvað þá í henni reykjavík.

Ég er búinn að starfa sem kokkur síðan ég var 19 ára gamall og hef bæði eldað hér heima og erlendis og hefur oft komið mér á óvart gæði veitingahúsa og skyndibitastaða og þess vegna setti ég upp þetta blogg til að gagnrýna og veita aðhald og mun ég nafngreina veitingastaðina sem ég fer á og gefa stjörnur frá 0 sem er stjörnuhrap til 5 stjörnur sem er ( skær stjarna ) og á skilið alla okkar athygli.

Ég mun gagnrýna ; matinn.framsetningu,biðtíma,.þjónustulund og mun ég síðan gefa ykkur tækifæri á því að koma með ykkar athugasemdir hér að neðan.

Ég vona að þið þarna úti í blogg heimum hjálpið til að koma með aðhald á staðinna og látið mig vita ef þið finnið eitthvað sem þarf að laga hjá einhverjum stað sem þið farið á og skrifið það í gestabókina og við skoðum það,

Kveðja Gagnrýnandinn


Innskráning

Ath. Vinsamlegast kveikið á Javascript til að hefja innskráningu.

Hafðu samband